Sykkelstamveg Bergen: Delstrekning 4A Fjøsanger

Kommune: Bergen kommune, Fana
Tiltaksområde: Gange, Kollektiv, Sykkel, Trafikksikkerhet
Satsingsområde byvekstavtale: Gange og sykkel

Delstrekninga er eit ledd i å binde saman gang- og sykkeltilbodet frå Fana og Ytrebygda med sykkeltilbodet frå sentrum og Fyllingsdalen. Strekninga som inngår i delstrekning 4A, og som går frå Gamlehaugen bru til sør for Kanalvegen, er i underkant av 1400 m. På grunn av uvissa om framtidig traseval for Ringveg aust er det vedteke å vente med det vidare arbeidet med ei fullverdig løysing forbi Fjøsangerkrysset inkl. tilkopling mot Straumevegen.

I planforslaget vil ein difor leggje til grunn ei forenkla løysing for sykkelstamvegen på strekninga frå Gamlehaugen og forbi Nyhauglia. Gåande vil framleis nytte dagens trasé i Nyhauglia med blanda trafikk, syklande får eige tilbod med 3 m brei sykkelveg langs rampa til E39. På strekninga vidare nord til Kristianborg bybanestopp (delstrekning 4B) blir det planlagt fullverdig sykkelstamveg, som blir kobla til dagens gang- og sykkelveg i nordre enden av Kristianborgvannet.

Dagens sykkeltrasé i Nyhauglia er smal og bratt og har høgt konfliktnivå. Eigen trasé for syklande på strekninga vil gi eit sikrare tilbod med gode stigningsforhold. Separate areal og betre siktforhold bidreg til mindre konfliktar mellom brukargrupper og moglegheit for å komme seg raskare fram. Ny sykkeltrasé forbi Nyhauglia vil bli tilnærma universelt utforma, og vil auke framkomma for syklistar. Kollektivfelt frå sør på E39 og opp på Fjøsangerlokket blir vurdert som del av planforslaget. Dette vil gi ei betre framkomme for kollektiv. Haldeplassar i nordgåande retning på Fjøsangerlokket og ved Kristianborgvannet blir utvida kapasitetsmessig og blir utforma universelt.

Tilkopling mot Straumevegen i Fjøsangerkrysset skal i utgangspunktet inngå i prosjektet. Tiltak på vestsida som krev regulering blir planlagd av Vestland fylkeskommune og vil inngå i ein felles reguleringsplan.

Sykkelstamvegen dannar ryggrada i sykkelvegnettet i Bergen. Behovet for tiltak blir forsterka av den store fortettinga og utbygginga som skjer sentralt i heile Bergensdalen og sørover i Fana. Kost/nytte berekning viser at nytta av prosjektet er størst dersom heile strekninga frå Flesland til sentrum blir bygd ut.

Dersom heile strekninga Flesland–Sentrum blir bygd ut er samfunnsnytta berekna til 5,59 med oppdaterte kostnader frå 2023. Det er ikkje gjennomført ei eiga samfunnsøkonomisk vurdering av denne delstrekninga åleine.

Sykkelstamveg Bergen: Delstrekning 4A Fjøsanger–Kanalveien