E39 x Fv.564 på Flatøy

Kommune: Alver kommune
Tiltaksområde: Gange, Innfartsparkering, Kollektiv, Sykkel, Trafikksikkerhet
Satsingsområde byvekstavtale: Gange og sykkel
Status: Planleggingsfasen

Flatøy er eit viktig knutepunkt for mobilitet mellom Nordhordland og Bergen, både for syklande og kollektivreisande. Flatøy er og ein sentral del av den mest folkerike aksen i Alver kommune, Frekhaug-Knarvik-Alversund. Eit godt og samanhengande sykkelnettverk her er viktig for å auke sykkelandelane.

Dagens sykkelveg forbi Flatøy har ikkje separert gang- og sykkeltrafikk. Den går gjennom ein trang kulvert med dårlege siktforhold, og blir brukt som tilkomstveg til bustadar i området. Tiltaket fjerner biltrafikk frå gs-vegen, får stengt igjen kulverten og separert gang- og sykkeltrafikken.

Dette inneber tiltaket

Etablere gjennomgåande og oppgradert G/S-løysing langs vestsida av dagens kryssområde og fjerne lokaltrafikk frå G/S-vegen ved å byggje nye tilkomstvegar.
Ombygging av fylkesvegarm frå rundkøyring
Sanering av undergang for G/S-veg.
Utvide kapasitet på innfartsparkeringa.

Formålet er å etablere eit meir trafikksikkert tilbod for gåande og syklande på strekninga for å auke andelen gåande og syklande, både til kollektivterminalen og elles internt i området og mot Bergen. I tillegg er formålet å auke kapasiteten på innfartsparkeringa, som i dag er full.

Tiltaket legg til rette for betre forhold for gåande og syklande, og bidreg til å overføre reiser frå personbil til kollektiv.

Prosjektet var ein del av Miljøløftet sin prosjektportefølje 2020, men vart trekt ut ved neste rullering. Prosjektet er no modent for å bli vurdert for gjennomføring.